عملية اللوز بالليزر

عملية اللوز بالليزر

#الدكتور_السمنودي_بيقولك

يقطع الليزر وسنينه

دخلت عليا العياده وحواجبها مرفوعه وفي اديها التحاليل وبتقولي
دكتوراحمد: هو حضرتك هتعمل لنا اللوز زي حماده ابن اختي ما عملها؟
انا: قولي لي عملها ازاي حماده ابن خت حضرتك؟
ردت بكل فخر: عملها بالليزر طبعا زي كل العيال ما بيعملوها دلوقتي
انا في بالي: يقطع الليزر وسنينه
انا: الليزر ده تقنيه حديثه بدلا ما نستخدم المشرط بيقطع ويكوي في نفس الوقت
مبستخدمش الليزر في عمليه اللوز الا لما نتوقع حدوث نزيف كتير صعب السيطره عليه زي الاطفال اللي عندهم امراض في الدم ودا بيبان في التحاليل
في جهاز اسمه الكي ثنائي القطب Bipolar Diathermy بيشتغل زي الليزربيقطع ويكوي في نفس الوقت يعني نفس مفعول الليزر لكن مش هو الليزر
وده اللي كل الجراحيين بتستخدمه وتسهيلا علي المرضي بيتقال عليه ليزر
هي: ايوه طيب حضرتك هتعملها لنا بانهي طريقه
انا: في اكثر من طريقه لاستئصال اللوزتين
❄️• استئصال اللوزتين بالكي ثنائي القطب Bipolar Diathermy ودا له عيوب زي
💥النزيف الثانوي او المتاخر واللي ممكن يحصل بعد اسبوع
💥صعوبه شديده في البلع
💥ارتفاع في درجه الحراه
💥وبنحتاج معاه مسكنات اكثر
والكي ثنائي القطب Bipolar Diathermy ده بيشتغل زي الليزر وزي ما قولنا مش هو الليزر
❄️• استئصال اللوزتين بالكي احادي القطب Monopolar Diathermy
وده له نفس عيوب الكي ثنائي القطب لكن بدرجه اكبر بكثير
علشان كده وقفنا استخدامه خالص
❄️• استئصال اللوزتين بالجراحه ودي الطريقه الاقدم والاامن وعيوبها اقل بكتير زي
النزيف اثناء اوبعد العمليه مباشره
علشان كده الافضل هوالدمج بين الطريقتين الجراحه واللي عيوبها قليله زي النزيف مع استخدام الكي ثنائي القطب لوقف النزيف ده لو حصل
وبكده ناخد ميزه الطريقتين ونتفادي عيوبهم
وتاني بقول الكي ثنائي القطب Bipolar Diathermy بيشتغل زي الليزر لكن والله مش هو الليزر
وانا بستخدمه لكن غلط نقول عليه ليزر

مع السمنودي كلينك بنطمنك بنستخدم احدث التقنيات للحصول علي افضل النتائج
السمنودي كلينك خبره سنيين
السمنودي كلينك مكان تثق فيه

#السمنودي_كلينك #دكتور_نبيل_السمنودي #دكتور_احمدالسمنودي #نف_واذن_وحنجرة #زراعة_القوقعة #القاهرة #مصر_الجديدة