عملية إستئصال اللوزتين

عملية إستئصال اللوزتين

صحيح أن اللوزتين هما جزء من الجهاز الليمفاوى
وهما خط الدفاع الأول ضد الفيروسات و البكتريا
لكن تكرار الألتهابات فى اللوزتين بيفقدهم الحقيقة الدور ده
كمان كبر حجم اللوزتين مع تكرار الإلتهابات بيقفل مجرى التنفس
وممكن يسبب شخير و إنقطاع تام للنفس أثناء النوم
ساعتها بيكون ضرر اللوزتين أكتر من نفعهم و بنختار الحل الجراحى
تجهيز المريض قبل العملية الحقيقة بعد الفحص
كمان بنحتاج بعض التحاليل
كمان لازم نعمل تقييم لحجم اللحمية
لأن معظم الأطفال قبل 12 سنة بيكون مصاحب ليهم تضخم فى حجم اللحمية خلف الأنف
علشان نبقى داخلين عارفين إحنا هنعمل اية بالضبط
الحقيقة … مهم أوى عندنا الخدمة الطبية
(المريض مش بيحس بيها أو مش بيعرفها)
الخدمة الطبية هى:
دكتور التخدير
جودة الالات اللى بنشتغل بيها
تعقيم الالات
كمان التمريض اللى بيساعد الدكتور
دى مبنتنازلش عنها 100%
علشان ضمان أعلى مستوى من نجاح العمليات
الحقيقة المريض بيكون تحت بنج كلى
العملية بتستغرق من نص ساعة الى ساعة إلا ربع تقريباّ
بيكون فيها المريض نايم تحت بينج كلى
مفيش ألم أثناء العملية
بعد العملية
حتى الألم بنتغلب علية بالعلاج وتعليمات الأكل و الشرب اللى بتتم بعد العملية
أئمن الطرق مع تعدد وجود طرق للإستئصال
أئمن الطرق ما زال حتى الآن هى الطريقة التقليدية
لكن بنستخدم الأجهزة الحديثة لوقف النزيف
الناس بتقول عليها الليزر
لكن هى أجهزة دياثيرمى أو بايبورو دياثرمي لوقف النزيف
و ده بنستخدمه جوه العمليات لوقف النزيف